Hoofstuk 5

 My dag breek aan, jul planne is reeds van die baan, want Ek sal sorg vir als wat jul mag nodig hê as jy dit nou reeds in My hande kom lê.

Lê jou lewe af, voor die wêreld dit vra, dan sal jy dit met oorgroot vreugde kan dra. Roep My aan vir jou Lewensbrood, want in My bestaan geen nood. Wees maar net tevrede in wat Ek voorsien, dat jy My met toewyding kan bly dien. Jy is myne, kom eet uit My hand, Ek doen altyd My Woorde gestand.

Soek weereens My aangesig en Ek sal aan jou verskyn. Nie slegs ‘n buitelyn sal My in jou oë omlyn. Ek sal My openbaar aan elkeen wat in Liefde tas na die Enige helpende hand van Immanuel wat in Gees deur jul binneste treë. Open jou geestesoë en vind My naby, dat Ek jou in als kan rig en lei. Onthou, jy loop OP My en so loop Ek IN jou. Dis jou Vryheid, dat jy My as Weg bewandel en sodoende nooit wankel. Ek help jou op, dra jou en rig jou doelwit op die Lig voor oë. As jy op My bly sal Ek jou veilig daarheen lei.

In ewighede sal jy nooit meer val, want die Engel van Lig het Sy weg, in jou, se einde bereik. Jy het tot My bekeer en wat meer as ewige oorvloed en seën in My liefde kan jy dan begeer. Amen.