Boodskap No 80 aan Lukaas van Hout op 9 November 2013

Soos wat 'n verwagtende vader en heen en weer tree en soos wat 'n persoon onder groot nood heen en weer tree, so tree Ek nou heen en weer in diepe smart vir My kinders, My volk, My huise van Israel, en My Dogters van Sion. Ja, Ek tree heen en weer in My smart vir al My mense, as gevolg van die woorde van vermaning wat Ek, EK IS wat EK IS aan julle gegee het deur hierdie dienskneg. Kom My kinders, stap saam met My hierdie oomblik, stap saam met My in hierdie uur en stap saam met My hierdie dag, nou en vir alle tye stap saam met My! EK IS julle liefdevolle Vader wat julle so liefhet! Herken julle nog nie My stem nie, al pleit Ek met julle harte deur My Heilige Gees, elke oomblik, elke uur van elke dag en nag nie? Elke oomblik, elke uur van elke dag en nag pleit Ek met julle harte! Kom, laat ons die saak uitmaak! Laat ons, Ek en julle, die saak uitmaak sodat julle julle harte kan oopmaak vir My, julle liefdevolle Vader, EK IS. As julle maar net My liefde geken het! As julle maar net julle huis wil bou binne My liefde en daarin wil woon saam met My! Dan sou julle My stem gehoor het! Dan sou julle My stem geken het! Omdat My liefde vir julle My liefde vir julle spreek met al hierdie woorde van My, roep liefde uit na julle harte om My te hoor, EK IS. Ek is so lief vir julle! Selfs met woorde van teregwysing, woorde van vermaning en woorde van straf spreek Ek, EK IS wat EK IS van My liefde vir julle deur hierdie woorde om julle wakker te maak vir My en My liefde! Nooit sal Ek moeg word om julle te vertel van My liefde nie en met elke verbygaande oomblik van elke verbygaande uur van elke verbygaande dag en nag sal Ek, EK IS wat EK IS vir ewig My liefde verklaar aan julle! Ek sal vir ewig met julle spreek van hierdie liefde! Ek sal My liefde aan julle verklaar, nie net met woorde wat aan julle bekend is nie, maar ook met woorde wat nog onbekend is vir julle, so sal Ek My liefde verklaar aan julle! Ek sal hierdie liefde aan julle verklaar met My eie mond vir ewig en ewig! Ek, EK IS wat EK IS spreek met hierdie hande wat My woorde skryf, om julle te vertel dat Ek ook nuwe woorde sal vind om met julle harte te spreek van My liefde vir julle, so groot is My liefde en My vermoë om My liefde weer te gee! Ek sal julle ook liefhê met kennis, wysheid en groot geestelike waarhede wat sal voortgaan om oorvloedig toe te neem tot nog groter hoogtes en selfs tot groter horisonne anderkant die horisonne van die hele ewigheid en verder as dit wat julle dink die ewigheid is, sal Ek, EK IS wat EK IS julle kennis, wysheid en geestelike insig verhoog, so groot is My ewige kennis! Ewige eindelose kennis wat nooit ophou nie! My ewige wysheid en die ewige geestelike waarhede wat Ek, EK IS wat EK IS sal voortgaan om te herdefinieer en te skep soos wat een ewigheid oorgaan na die volgende ewigheid en hierdie ewighede anderkant die ewighede, sal hierdie kennis voortgaan om uit te brei, so uitgestrek en groot is hierdie kennis en so uitgestrek en groot is My krag om alles te skep wat was, is en sal wees en meer as wat eenvoudig net 'n uitdrukking van My liefde vir julle sal wees! Kom My kinders, laat ons saam loop en met mekaar praat, net Ek en jy, EK IS. Onthou julle nie die kinders van Adam in die dae van Noag nie? Hulle het My nie gesoek nie, ook het hulle nie omgegee vir My liefde en kennis wat Ek met hulle wou deel nie. Hulle het slegs omgegee vir hul eie persoonlike gewin in rykdom en posisie onder die mensdom vir hul eie eer en eiegeregtigheid voor die mens, so duister was hulle geestelike natuur. Tog, toe die reëns kom en die water begin te styg, het hulle aan die deur en aan die kante van die ark geslaan en geskreeu vir redding, maar nie van redding van My soos wat Ek redding gee nie, maar van die dood wat gereed gestaan het om hulle te verswelg. Soos wat dit in die dae van Noag was, soos wat dit voorspel is, so is dit nou in hierdie dae, hierdie dae en die laaste dae van die mensdom. Die mens het afgebreek, in die huwelik uitgegee, kinders is gebore, handel het steeds daagliks voortgegaan, besigheid soos altyd, totdat die reëns begin het en die waters gerys het en almal weggevee het. So is dit nou weer in hierdie dae, so verduister het die harte van die mens geword vir My, Ek, EK IS wat EK IS. Die Ark en alles wat oor die Ark geskryf is, was meer as 'n verhaal van 'n opregte mens se redding, maar dit was gegee as 'n geestelike waarheid, sodat julle die Arke kan herken en ken wat Ek, EK IS wat EK IS vandag deur die mens bou vir die veiligheid van My volk in hierdie tye en vir die tye wat kom! Die deure van hierdie Arke gaan binnekort toemaak deur My hand. Soos wat Ek die deur van die Ark van Noag gesluit het, so sal Ek die deure sluit van hierdie Arke van hierdie dae. Hierdie deure wat Ek, EK IS wat EK IS met My eie hand sal sluit, is deure van geestelike kennis wat lei na hierdie Arke en hoe hierdie kennis van hierdie Arke ontvang kan word, sal slegs deur die onthullende krag van My Heilige Gees kom. Geen mens sal hierdie Arke betree nie, behalwe hulle wat die geestelike kennis van hierdie Arke deur My Heilige Gees gesoek het. My kinders, laat ons voortgaan om saam hierdie saak uit te maak! Dink daaraan hoe dikwels die mensdom My woorde in die Skrifte gelees het. Dink daaraan hoe dikwels die mensdom My woorde geglo het van die vergange dade van My deur die mensdom en My diensknegte, tog in hierdie dae glo hulle nie. Kom, laat Ons die saak met mekaar uitmaak. Roep julle nou uit na My deur die Naam wat Ek vir julle gegee het, JaHshua, met al die nederigheid van julle harte en vra My om die waarhede van hierdie dinge te openbaar aan julle harte. Vra My om hierdie kennis te openbaar deur My Heilige Gees en vra My om julle gebede aan My te bevestig. Ek sal. Ek sal luister na julle as julle My soek met 'n nederige hart, 'n gebroke hart, 'n hart wat My liefde soek om lief te hê en 'n hart wat soek na My kennis, My wysheid en My geestelike waarhede met alle opregtheid om My wil te doen op aarde vir My volk en Ek, EK IS wat EK IS sal julle antwoord deur My Heilige Gees en julle gebede bevestig vir julle! EK SAL! Maar as julle hierdie dinge soek met 'n valse hart, 'n leuenagtige hart, 'n lasterlike en moorddadige hart, sal Ek nie na julle luister nie en Ek sal julle nie antwoord nie, maar Ek, EK IS wat EK IS sal die krag van My Heilige Gees verhoog na julle harte om julle te oortuig van hierdie wandade, totdat hierdie oortuigings, oomblik vir oomblik sal uitroep in julle harte oor julle bedrieglikheid tot My, van nou af tot aan die einde van die verseëling en sifting van My volk sal My Heilige Gees julle veroordeel oor julle wandade en poog om julle te laat bekeer van hierdie wandade. Kom, laat ons die saak uitmaak, julle weet, liewe kinders, dat hierdie dinge so moet wees! Julle weet in julle harte dat die sifting van My kinders geen geringe saak is nie! Julle weet dat hierdie sifting die gees van die mensdom sal skud met die krag van My Heilige Gees. Julle weet dat hierdie skudding My woorde insluit deur hulle wat Ek gekies het om skeiding te bring in al die harte van misleiding deur die swaard van die geregtigheid van My woorde! Julle weet, liewe kinders, dat dit so moet wees om hierdie sifting te voltooi en met die krag van My mag en met die krag van My Heilige Gees, sal hulle wat Ek gekies het om te spreek en My woorde te skryf, hierdie bose harte in twee sny met die waarheid van My woorde om hulle uit te dryf vanuit My volk! Kom nou, laat ons die saak uitmaak, My liewe kinders, My diep geliefde kinders, laat ons die saak uitmaak, julle weet dat hierdie dinge so moet wees om My volk te reinig! Julle weet dat hierdie dinge so moet wees om My volk voor te berei om My wil te doen, nou en in die tye wat kom! Ja Ek weet, My seuns en dogters, ja, Ek weet dat dit julle seermaak! Ja, Ek weet van die groot vrees en angs wat dit aan julle doen! My kind, My liewe kind, luister na My woorde soos wat Ek vir jou met al My liefde gesê het, dit moet so wees! Kom kinders, Ek en julle, Ek, EK IS wat EK IS, die Skepper van alles, kom, sodat Ek en julle die saak met mekaar kan uitmaak en verstaan dat My woord sedert voor die wêreld daar was, so moet wees! My woorde moet in vervulling kom! My woorde moet die take van julle volk en van julle wêreld voltooi, soos wat Ek dit aan julle gespreek het deur al julle geslagte, so moet dit wees! Weet My liewe kinders, en berei julle harte voor, want dit is net die begin van hierdie sifting van die harte van die mensdom. Weet liewe kinders, dat selfs groter woorde van vermaning, tugtiging en teregwysing selfs nou vir julle voorberei word deur hierdie en nog vele meer van My diensknegte. Hierdie diensknegte, My diensknegte, hulle wat Ek vir hulle hele lewe voorberei het vir hierdie take, berei Ek, EK IS wat EK IS nou voor om hierdie woorde te spreek en te skryf, My woorde, deur hulle aan julle. Hierdie diensknegte is hulle wat nie vrees om enige van My woorde te skryf wat Ek voorberei het vir die sifting en bevryding van My volk nie. Hierdie diensknegte dien My deur hul liefde vir My en deur hul liefde vir My volk dien hierdie diensknegte My in alles wat Ek van hulle vra en vrees geen dade van die mens teenoor hulle nie, so groot is hulle begeerte en hulle liefde om My wil te doen vir My volk. Liewe kinders, ja hierdie woorde; hierdie kragtige swaard van geregtigheid van My waarheid en My woorde word selfs nou deur My vir julle voorberei, sodat julle heeltemal omvorm kan word tot My beeld en My waarheid en My geregtigheid, om te staan in die bose dae wat kom en staan sal julle! Geen krag van die duisternis sal hierdie fondament skud wat Ek vir julle op My sal bou nie. Laat ons die saak uitmaak, want julle weet, soos wat Ek menigmaal vir julle gesê het dat Ek, EK IS wat EK IS, julle liefdevolle vader, julle sal vermaan, tugtig en teregwys, My volk! Julle ken hierdie dinge, en omdat julle hierdie dinge ken, weet julle ook dat baie, baie meer woorde aan julle gegee sal word deur My diensknegte wat sal skryf en spreek van My liefde, My opdragte, My lering, My kennis en My wysheid en die groot geestelike waarhede wat Ek, EK IS wat EK IS vir julle berei het, sedert die begin van tye vir hierdie en vir die tye wat gaan kom! Julle weet dat Ek, EK IS wat EK IS hierdie en al hierdie woorde aan elkeen van julle sal gee op die vasgestelde tyd en op elke vasgestelde dag sal My woorde aan julle gegee word, omdat EK JULLE LIEFHET EN ALTYD MET JULLE SAL WEES VIR EWIG! Liewe kinders, julle ken hierdie dinge, julle ken hierdie woorde, My woorde deur wie Ek stuur om aan julle te gee. Julle ken My woorde! Ek het hulle daar in julle hart geplaas deur My Heilige Gees! Hulle is alreeds daar geskryf, soos wat Ek gesê het dat hulle geskryf sal word! Vind hulle deur My Heilige Gees en wanneer julle hulle vind, sal julle My stem ken deur My woorde wat Ek aan julle gee deur My diensknegte vanaf daardie oomblik aan en vir alle tye en nooit weer sal julle blind of doof wees vir My woorde nie, ja liewe kinders, My kinders, MY WOORDE, EK IS WAT EK IS.