Trooswoorde

1923 Verneem die woorde van troos: Bly moedig en sterk in verdriet, laat julle geloof nie wankel nie, neem julle toevlug tot gebed en dink nie dat julle verlaat is nie, al dreig daar ook `n wêreld om op julle ineen te stort. Die geloof versit berge en wat onmoontlik lyk, word moontlik deur `n vaste geloof en as julle in volle vertroue tot My om hulp roep, bly julle gebed nie onverhoord nie. Die lewensweg van elke mens is voorgeskryf, dus moet hy ook daarop gaan, omdat die ontwikkeling van sy siel daarvan afhang. Hy sou hierdie weg ook gewillig en graag gaan as hy op hoogte sou wees van die noodsaaklikheid daarvan en van die kwellinge in die hiernamaals, as hy die weg op aarde gespaar sou bly.

Dink daarom nooit aan die aardse lyding nie, want dit gaan verby. Dink aan die eindelose lang tyd in die ewigheid, wat heelwat smartliker sou wees, sonder die leed wat die mens op aarde te verdra het. En so, laat julle nie terneergedruk word deur leed en kommer nie, maar word daardeur sterker in die geloof in My, Wie julle liefhet en daarom in julle lewe dikwels pynlik moet ingryp om julle te red vir die ewigheid. Vergeet nooit dat Ek julle Vader, julle Vriend, julle Broer en Beskermer is nie. En lê My al julle node voor, skik julle gewillig en sonder teenstand volgens My leiding en julle sal waarlik korrek gelei word. Laat julle nie pla deur vertwyfeling nie, plaas alleen die diep geloof daarteenoor en hoop, want My woord is waarheid en as Ek julle My hulp beloof, hoef julle nie meer te vrees nie. Amen.