 |
DIE MELGISEDEK ORDE
VERSKEIE SKRYWERS
Hoofstuk 29
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
2006 – JAAR VAN WERK IN DIE
WINGERD
Hierdie volgende jaar was gekenmerk deur wonderlike
seëninge van ons Hemelse Vader, nadat ons die volgende
opdragte van JaHshua letterlik opgeneem het en
daadwerklik die koninkryk van God met geweld begin nader
trek het. Matthéüs 24:45-46:
45 WIE is dan die getroue en wyse dienskneg vir wie sy
Meester oor Sy diensvolk aangestel het om hulle hul
voedsel op tyd te gee?
46 Geseënd is daardie dienskneg vir wie sy Meester, as Hy
kom, op hierdie manier besig sal vind.
47 Voorwaar Ek sê vir julle, Hy sal hom oor al Sy besittings
aanstel.
Dogter van Sion het betrokke begin raak met die voeding
van die volk. Sopkombuise in Danville en Elandspoort is
opgerig. Kospakkies vir minderbevoorregtes is uitgedeel.
Op die grond self is 50 (nou al sowat 80) behoeftige mense
gehuisves in tente en wendy-huise. Elke oggend het ons
geleentheid gehad om ook geestelike voedsel uit te deel.
Skrifstudie lesings in die aand en oggende het hulself baie
vrugbaar getoon. Mense het werklik die woord begin eet.
Hier moet ons byvoeg dat daar ook geen tekort aan duiwels
was nie. Die was volop, maar as mens diamante soek, moet
jy hope gruis deurwerk alvorens jy een diamant kry. Hierdie
opdrag was so ernstig op ons harte gedruk, want die
volgende skrifgedeelte is `n groot aanklag teen die hele
volk. Matthéüs 25:31-46.
31 EN wanneer die Seun van die Adam in Sy Glansrykheid
kom en al die Apartes [en] Boodskappers saam met Hom,
dan sal Hy op Sy glansryke Troon sit;
32 en voor Hom sal al die nasies versamel word, en Hy sal
hulle van mekaar afskei soos die herder die skape van die
bokke afskei;
33 en Hy sal die skape aan Sy regterkant en die bokke aan
Sy linkerkant sit. [JeségiEl 34:20]
34 Dan sal die Meester vir die wat aan Sy regterkant is, sê:
Kom, julle geseëndes van My VADER, beërf die Koninkryk
wat vir julle berei is van die grondlegging van die wêreld
af.
35 Want Ek het honger gehad, en julle het My te ete
gegee; Ek het dors gehad, en julle het My te drinke gegee;
Ek was ’n vreemdeling, en julle het My herberg gegee;
36 Ek was naak, en julle het My geklee; Ek was siek, en
julle het My besoek; in die gevangenis was Ek, en julle het
na My gekom.
37 Dan sal die regverdiges Hom antwoord en sê: Meester,
wanneer het ons U honger gesien en gevoed; of dors, en te
drinke gegee?
38 En wanneer het ons U 'n vreemdeling gesien, en herberg
gegee; of naak, en geklee?
39 En wanneer het ons U siek gesien of in die gevangenis,
en na U gekom?
40 En die Meester sal antwoord en vir hulle sê: Voorwaar
Ek sê vir julle, vir sover julle dit gedoen het aan een van
die geringstes van hierdie broers van My, het julle dit aan
My gedoen.
41 Dan sal Hy ook vir dié aan Sy linkerhand (bokke) sê:
Gaan weg van My, julle vervloektes, in die ewige vuur wat
berei is vir die Satan en sy boodskappers.
42 Want Ek het honger gehad, en julle het My nie te ete
gegee nie; Ek het dors gehad, en julle het My nie te drinke
gegee nie.
43 Ek was 'n vreemdeling, en julle het vir My nie herberg
gegee nie; naak, en julle het My nie geklee nie; siek en in
die gevangenis, en julle het My nie besoek nie.
44 Dan sal hulle Hom ook antwoord en sê: Meester,
wanneer het ons U honger gesien of dors of 'n vreemdeling
of naak of siek of in die gevangenis, en U nie gedien nie?
45 Dan sal Hy hulle antwoord en sê: Voorwaar Ek sê vir
julle, vir sover julle dit nie gedoen het aan een van hierdie
geringstes nie, het julle dit aan My ook nie gedoen nie.
46 En hulle sal weggaan in die ewige straf, maar die
regverdiges in die Ewige Lewe.
Hier is dit baie duidelik wie `n skaap is en wie `n bok is. As
jy vir Sy kinders omgee, hulle voed, klee en help uit hulle
gevange toestand, is jy `n geseënde skaap wat die ewige
lewe sal beërwe. Indien jy dit nie doen nie, is jy `n bok, en
sal die ewige straf jou voorland wees. Niemand kan verby
hierdie vers kom nie. Dis duidelik, reguit en op die man af.
Ja, verseker is dit uiteindelik geestelike kos, -kleed en –
genesing wat gegee moet word, maar hoe sê jy vir iemand
wat drie dae laas geëet het, dat jy nou God se woord aan
hom bring. Hy vloek jou en jaag jou weg, want hy is honger.
Na drie maande se onbaatsugtige fisiese kosvoorsiening sal
hy jou vra hoekom jy dit doen. Dan sê jy: Omdat die liefde
van JaHshua wat in my is, en wat ek vir jou het, dit van my
vra. Dan eers begin jy die geestelike kos stadig en smaaklik
aanbied.
Baie groeperings in hierdie land beskou hulle as die
uitgesoekte en uitverkore groep van Vader. In baie van
hierdie groeperings loop leiers rond wat hulleself waan om
die bruin pad of die grys pak te dra, wat dink hulle is die
leiers van die volk. My vriend, julle dwaal vreeslik. Raak
eers nederig, raak `n kelner vir die geringstes onder julle
volk, voordat jy jouself dalk te hoog aanslaan.
|
|
|
 |
|
