 |
DIE MELGISEDEK ORDE
VERSKEIE SKRYWERS
Hoofstuk 32
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35. |
|
 |
DIE FISIESE TREK UIT DIE MODERNE
EGIPTE 20 Uit voorafgaande is dit duidelik dat daar
groepe en individue sal wees wat tans
(Desember 2007) in Suid-Afrika is en wat in
verskillende stadiums van trek in die gees is. Party is nog in
Egipte, maar oppad Migdol (Koningsorde) toe, ander het al
daar aangekom, en ander is alreeds Migdol.
Hoe gaan hierdie versameling georden kan plaasvind,
indien dit nie ook fisies by `n versamelingspunt gaan
plaasvind nie. Ons beweeg in `n tydvak in, nadat die geweldige
natuurkatastrofe plaasgevind het, waar alle
kommunikasie en verbinding tot niet sal wees. Paaie sal
onbegaanbaar en gevaarlik wees, telekommunikasie sal nie
bestaan nie, die oorblywende mense sal verward rondhardloop
en oorlewingsmiddele soek. Hoe gaan hierdie
versameling dan plaasvind en waar gaan almal bymekaarkom?
In die gees weet ons nou dat ons by Migdol/
JaHWèshua sal bymekaarkom, oftewel dat ons Hom in ons
harte moet hê. Maar wat van die fisiese, hoe gaan mense in
verwoeste stede, met skreeuende mal hordes barbare met
pangas om hulle, nou regkom met Migdol in hulle harte
alleenlik? Daar sal `n trek moet plaasvind. Migdol in die
hart, stel die eerste Pasga voor, waar slegs diegene met die
bloed van die Lam aan die deurposte van hulle harte,
gekies sal word, anders gestel, beskerm sal word om na die
eerste stop voor die Rooisee, naamlik die fisiese Migdol te
gaan. Hiervoor het ons die volgende interessante profesieë
ontvang van ons wonderlike JaHWèshua Self.
Soos gegee aan Louise Snyder in Oktober 2007
MAAK EN BREEK – deur Louise Snyders ‐
Hoofstuk 1
Koos de la Rey
EK maak en breek. EK maak diegene wat op MY wag
se voete vry van sonde. EK breek alle bande van die
dood. EK breek alle kettings van die sonde.
Daar is jakkalse en daar is wolwe. Watter kant sal hulle
kies? Die een is skelm en die ander verskeur. Daar is
nie een wat die ander nie wil verteer.
Dit was in die jaar 1900 toe daar van MY knegte
opgestaan het om MY te dien. Dinge was baie sleg in
daardie tyd. Mense het mekaar uitgemoor en orals was
brande. Maar nêrens was daar iemand wat vir MY
opgestaan het nie. Daar was nie ‘n mens wat nie van
MY geweet het nie, maar nêrens was daar sprake van
iemand wat gebrand het vir MY nie. Daar was in
daardie dae nie ‘n mens wat MY liefgehad het nie.
Almal was betrokke by ‘n kerkorganisasie wat mense in
diere verander. Dit was ‘n tyd van oorlog en leed en
daar was vir MY net een profeet. Kerke het losbandig
met mensesiele omgegaan. Wees bly en juig, want
daardie tyd het verbygegaan. Bande van die dood het
almal omring. Daar was ‘n sekere man genaamd Koos.
Koos was MY naamgenoot, want MY Naam was op sy
voorhoof geskryf. Hy is deur MY profeet bygestaan. Hy
is deur MY profeet van raad bedien. Koos de la Rey
was ‘n man van inbors. En EK het hom baie liefgehad.
Een aand het hy op ‘n baie hoe spoed gegalop met sy
perd Pronk. Pronk het vinnig na links geswenk en hom
‘n geweldige kopstamp besorg. Vervaard het hy orent
gespring en na hulp geroep. Daar was egter niemand
wat hom kon hoor nie. In sy nood het hy na MY om hulp
geroep. EK het hom geantwoord deur MY kneg na hom
te stuur met die volgende boodskap: ”Gaan met 10 man
te perd na die Noordweste en wag daar op MY Woord!”
Hy het dadelik gegaan en MY boodskap sorgvuldig
uitgevoer. Daarin lê die gehoorsaamheid – dat ‘n kneg
MY Woord uitvoer.
Daar aangekom, het hulle afgesaal en op MY Woord
gewag. EK het weer MY kneg na hom gestuur met die
volgende Woorde: ”Rig vir MY ‘n pilaar op ter
bevryding van jou volk. EK sal jou volk gedenk in
die volgende geslagte wat sal kom, want hulle is MY
uitverkorenes!”
Die pilaar staan vandag nog en is te sien by Migdol
wat beteken ‘Skaaptoring’.
MY volk, EK het julle lief, maar julle gedenk MY nie.
Daar is ‘n geringe oorblyfsel onder julle wat MY
Aangesig soek. Sorg dat julle MY vind, want EK is die
Alfa en die Omega.
Amen
So het ons Vader dan wel `n merker opgerig, ter bevryding
van ons volk in die laaste geslagte, en hierdie toring is by
Migdol in Wes-Transvaal, tussen Delareyville en Schweizer
Reyneke. Ons by Dogter van Sion was vreeslik opgewonde
oor hierdie boodskap en het dadelik daarheen gereis om
meer oor hierdie toring te wete te kom. Ons eerste besoek,
wat `n paar ure was, het niks opgelewer nie; selfs die ou
inwoners het geen kennis gedra hiervan nie. Daarna is `n
tweede ekspedisie gestuur van 8 mense wat gedeeltes
gefynkam het aan die Hartsrivier waar die ou transportroete
deur die rivier gekom het. Ook tevergeefs. Hier is ons Vader
se boodskappe in verband met die pilaar op Migdol sowel
as Sy antwoord op ons vrugtelose (en eiesinnige) soektogte.
Ek plaas dit vir u, omdat ek weet dat u ook, soos ons,
nuuskierig is. Dit is maar die aard van die mens, - soek eers
met sy eie krag en wil, en raadpleeg nie die Gewer en
Openbaarder van alle geheimenisse nie.
WOORD VAN VADER deur Louise Snyders
Vrydag 10 Okt. 2007 23;30
(vergelyk met hfst.1 van ”Maak en Breek” (dit kom nog!)
wat ek `n week later ontvang het.)
Soos ‘n klavier se note verband hou met ‘n ghitaar,
So hou MY Woord verband met `n pilaar.
‘n Pilaar wat in nood bevry.
So, gedenk MY en jy sal aan die lewe bly.
Hierdie pilaar is eerstens JaHWèshua as die Ware Migdol,
tweedens die te opgerigte Melgisédek-orde as die klein
Migdol en derdens die plek Migdol waar alles sal plaasvind.
Uittreksel uit Woord van Vader op 10 Nov om
02h41
... Wees daarom nie meer bevrees nie, want daar is
belangriker dinge om te doen as om bekommerd te
wees oor iets wat julle nie kan verander nie. Vertrou net
op MY en Ek sal julle uitred en hy sal saam met julle
daar by die pilaar vergaar, waar julle MY sal sien en
julle sal My dien en ‘n heilige, gereinigde volk wees.
Hier bevestig Vader weer `n volksversameling te Migdol,
waar selfs die voorheen gestorwe kinders teenwoordig sal
wees as `n gereinigde en apartgestelde volk.
Donderdag, 22 November 2007 om 11:46
Het jy MY weg gevind
Jy het jou berou
En geheel aan MY vertrou
EK sal jou bou tot ‘n sterk pilaar
In MY RYK
So streef na MY
EK sal jou verbly
En jy sal MY liefde voel
Julle lyding het altyd ‘n doel
MAAK EN BREEK – deur Louise Snyders ‐
Hoofstuk 42
Wees daarom gewaarsku – die dag van oordeel kom
nader. Trou moet MYNE by MY kom vergader. Daarom
maak EK almal wakker sodat julle, julle by MY moet
kom skaar, want EK het julle lief en wil geeneen laat
verlore gaan nie en roep julle tot MY Vaderbors waar
EK julle styf wil vashou, terwyl die winde buite waai en
die barbaarse skare hulle assegaaie swaai. ”Kom na
MY toe”! roep EK weer sodat EK MY oor julle kan
ontferm en julle na veiligheid kan bring, waar julle vir MY
sal sing en wees nie besorg oor die pilaar nie, want
hy is daar, net soos EK daar is en julle MY nie sien
nie, en tog is hy daar. Saam sal EK julle by die pilaar
vergaar, net soos EK julle by MY voete vergaar. Dit
sal ‘n dag wees van buitengewone vreugde, want julle
sal MY kan sien en in julle midde sal EK wandel. Soos
‘n broer tussen julle rondloop, sal EK tussen julle wees
en julle sal julle verbly. Maar, en ‘n Groot Maar, julle
moet julle vrywillig en nóu na MY keer en by MY moet
julle kom skuil en niemand wat in MY kring kom staan,
sal eers weet van die dreigende gevaar nie, want EK
sal julle besig hou met lofliedere in julle hart. Ja, groot
sal wees die wêreld se smart, in hulle aanskouing van
die dood en hulle sal spyt wees dat hulle nie ag gegee
het op MY waarskuwings en uitnodiging nie. Vrees nie
die nag van die lang messe nie. EK is reeds gereed
met MY hele Engeleskaar en soos Krygers wag Ons
om te vergeld julle verdrukkers wat hulle op julle wil
wreek. Dit sal ‘n slag wees wat hulle nooit sal vergeet
nie en die wat oorbly sal geslagte daarna nog van die
Groot Gees van Verskrikking praat en nooit weer sal
hulle `n hand teen julle lig om julle te skaad nie, uit
ontsag vir MY. Dit spreek EK, Die Almagtige EL van
hemel en aarde en niemand sal MY Woorde verander
of uitspoeg as EK hulle dit ingegee het nie.
MAAK EN BREEK – deur Louise Snyders ‐
Hoofstuk 48
Wees daarvan verseker dat EK wel jou gebed hoor,
maar dit eers `n bietjie later sal beantwoord, indien dit
nodig is. As dit dringend is, en EK weet wanneer dit
dringend is, sal EK jou dadelik beantwoord. Neem die
voorbeeld van die pilaar. EK weet waarom hy nie die
eerste keer gevind is nie. EK weet waarom EK die
pilaar vir julle oë gesluit hou en julle moet daarby
berus dat EK die pilaar aan julle sal wys op die
regte tyd. Julle weet nie wat in die wêreld om julle
aangaan nie, maar EK weet, en daarom sal EK ook julle
gebede in verband met die pilaar beantwoord op die
regte tyd. En julle sal MY loof, omdat MY besluite
wonderbaar is en julle sal nie kan glo dat julle die pilaar
nie met die eerste soektog gevind het nie. Dinge sal
dan duidelik aan julle gemaak word. Vrees nie die bose
nie, want hulle kan aan julle niks maak, as julle by MY
kom skuil nie. Dit is MY woorde wat nooit vergaan nie.
Skuil onder die vleuels van MY woorde, sodat EK julle
met MY liefde en vrede kan oordek en nìemand - EK
herhaal - nìemand sal julle skade aandoen nie. MY
woorde is verseker en gewis en gaan nooit verby
sonder dat julle dit sal sien en daarvan kan getuig nie.
Dit is MY woorde.
Amen
Die volgende gedigte, aan Marietha Nel gedikteer deur die
innerlike Woord, wat ook nog getoonset moet word, verwys
ook na hierdie pilaar waar die Boervolk sal vergader. Dit is
ook nou in November 2007 deur ons Vader gegee.
Dinsdag, 20 November 2007 om 04;01
Laat ons sing en ons harte tooi
Met reine liefde die gaste nooi
Want die Bruidegom kom
HY kom haal sy blom
HY kom om af te wend haar smaad
Sodat niks haar ooit weer skaad
Bring HOM al die eer en loof SY Naam
Sing en jubel almal saam
HY kom om SY bruid te dra
Net soos sy lankal vra
MY volk, MY Sion, rein
Jý is MY bruidjie klein
EK kom as jou Bruidegom
Jy is MY blom
In MY arms gaan EK jou veilig dra
Jy kan jou verlossing van MY vra
Vir jou, o Sion, het EK die kruis gedra
Uit jou kom voort MY Elia
Wat beteken, MY kind
Want jy het MY gevind
En het gebaar MY koningskind
Dit sê EK nou vooruit vir julle, want dit sal julle bereik,
die eenwording met MY. En by MY pilaar, sal julle, MY
kleine skaar, dit vir MY sing.
Duidelik en onomwonde, is die Bruid, die Sionsvolk wat by
Sy pilaar, wat 100 jaar tevore deur Oom Siener van
Rensburg en Generaal Koos de la Rey opgerig is, sal
vergader en hierdie nuwe lied sal sing. Nog `n lied wat die
ander nie sal kan sing nie, soos in wat Openbaring 5 en 14
genoem word. Die volgende gedig dien as nog `n
bevestiging:
21 November 2007 om 20;00
Die Boervolk van MY
Sal trek met ‘n gejuig
Na MY pilaar
Wat van MY getuig.
Migdol/Skaapstoring as gedenkteken
in Jesaja 19
Daar kan dus geen onduidelikheid bestaan oor die
belangrikheid van die pilaar te Migdol nie. Ons sál daar
bymekaarkom. Het ons enige ander Skrif in die verband? In
Jesaja 19 vind ons `n belangrike verwysing na so `n
gedenkteken in ons grondgebied. Om hierdie gedeelte in
konteks te verstaan, moet u ook die voorafgaande hoofstuk,
Jesaja 18, lees wat handel oor die blanke Boervolk, suid
van die riviere van Etihopië. Jesaja 19 vervolg net en
Egipte is eintlik Afrika, woonplek van die Boervolk, naamlik
die twee Boererepublieke
Jesaja 19:16: In dié dag sal die Egiptenaars wees soos
vroue: hulle sal bewe en vrees vir die geswaai van die
Hand van JaHWeH van die skeppings-leërmagte wat
Hy teen hulle swaai.
17 En die Adamah [die adamiet se Aarde] van
JeHûWdah sal vir die Egiptenaars ’n skrik wees: as
iemand van haar melding maak by hulle, bewe hulle
vanweë die Raadsbesluit van JaHWeH van die
skeppings-leërmagte wat Hy teen hulle geneem het.
Hierdie Hand is die reeds opgerigte Melgisédek-orde in
Suid-Afrika, grondgebied van Juda, wat die inwoners van
die Nuwe Suid-Afrika sal verskrik maak.
18 In dié dag sal daar vyf stede in die Aarde van Egipte
wees wat die taal van Kanaän spreek en by JaHWeH
van die skeppings-leërmagte sweer; een sal genoem
word: Stad van verwoesting.
Hierdie vyf stede/kerke of vyf verskillende leerstellings in
Suid-Afrika sal met `n basterstem spreek, die stem van
Kanaän, en een kerk sal `n verwoeste kerk genoem word,
wat heelwaarskynlik na die NG kerk verwys.
19 In dié dag sal daar ’n altaar wees vir JaHWeH binnein
die Aarde van Egipte en ’n gedenksteen langs haar
grondgebied vir JaHWeH.
20 En sy sal wees ’n Teken en ’n getuie vir JaHWeH
van die skeppings-leërmagte in die Aarde van Egipte;
as hulle JaHWeH aanroep vanweë die verdrukkers,
sal Hy aan hulle ’n Redder stuur en ’n Stryder wat
hulle sal verlos.
21 En JaHWeH sal Hom aan die inwoners van Egipte
bekend maak, en die inwoners van Egipte sal JaHWeH
ken in dié dag; en hulle sal dien met slagdiere en
spysbydraes en geloftes doen aan JaHWeH en haar
betaal.
Vanuit die voorafgaande, kan ons aflei dat die altaar sal
verwys na die klipstapel te Kameeldrif 225, waar die nuwe
Gelofte gemaak is. Sien vorige gedeelte oor “die Nuwe
Gelofte”. Die gedenksteen moet dus nog iets anders wees.
Hierdie gedenksteen of pilaar, wat `n teken en getuie is, kan
mos maar net die pilaar wees wat in die voorafgaande
bespreek is. Hierdie gedenksteen-pilaar-toring-Migdol kan
dus net die Melgisédek-orde wees wat opgerig sal word te
Migdol, en waar die opgerigte orde van 144 000 eerstelinge
ook die Redder en Stryder sal wees binne die volk. Hiermee
sluit ek nie die moontlikheid uit dat die Redder en Stryder
een of twee spesifieke persone binne hierdie Melgisédekorde
sal wees nie, moontlik die twee getuies van
Openbaring 11.
|
|
|
 |
|
