 |
DIE BOEK VAN OPENBARING
EMANUEL SWEDENBORG
Hoofstuk 23
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 21
In hierdie hoofstuk word die toestand van die hemel en die kerk behandel
na die laaste oordeel, dat na dit, deur die Nuwe Hemel die Nuwe Kerk sal
bestaan op die aarde, wat die Verlosser alleen sal aanbid. Die vereniging
daarvan met die Verlosser
Die beskrywing daarvan volgens die intelligensie vanuit die Woord.
Die leerstellings daaruit.
En volgens al die kwaliteit daarvan.
Open. 21:1 En ek het ‘n Nuwe Hemel en ‘n Nuwe Aarde gesien, (dat die
Nuwe Hemel ontstaan het vanuit Christene deur die Verlosser, wat in die
tyd die Christen hemel genoem word, waar hulle is wat die Verlosser
aanbid het, en gelewe het volgens Sy bevele in die Woord, wat daaruit
naaste liefde en geloof het, waarin ook al die klein kinders van die
Christene is).
want die eerste hemel en die eerste aarde het verbygegaan; (die hemele
wat nie gevorm was deur die Verlosser nie, maar deur diegene wat vanuit
die Christen wêreld in die Geestelike wêreld gekom het, wat almal
verstrooi was op die dag van die laaste oordeel), die see was daar nie
meer nie. (dat die uiterlike van die hemele versamel vanuit Christene
sedert die eerste vestiging van die kerk was op dieselfde manier verstrooi,
nadat hulle wat in die boek van die lewe van die Verlosser geskrywe was,
daaruit geneem en gered was.
Open. 21:2 En ek, Johannes, het die heilige stad, die nuwe Jerusalem,
sien neerdaal van God uit die hemel, (die Nuwe Kerk wat deur die
Verlosser gevestig sal word aan die einde van die vorige kerk, wat
verbind sal wees met die Nuwe Hemel in Goddelike Waarhede volgens
leerstellings en volgens lewe), toeberei soos ‘n bruid wat vir haar man
versier is. (daardie kerk verenig met die Verlosser deur die Woord).
Open. 21:3 En ek het ‘n groot stem uit die hemel hoor sê: Kyk, die
tabernakel van God is by die mense, (die Verlosser wat vanuit liefde
spreek en die goeie tyding bekend maak, dat Hyself nou teenwoordig sal
wees met die mense in Sy Goddelike Menswese), en Hy sal by hulle
woon, en hulle sal sy volk wees; en God self sal by hulle wees as hulle
God. (die vereniging van die Verlosser, wat van sodanige manier is, dat
hulle in Hom is, en Hy in hulle).
Open. 21:4 En God sal al die trane van hulle oë afvee, en daar sal geen
dood meer wees nie; ook droefheid en geween en moeite sal daar nie
meer wees nie, want die eerste dinge het verbygegaan. (dat die Verlosser
van hulle sal wegneem alle droefheid van denke, en vrees van
veroordeling van booshede en valshede vanuit die hel, en van versoekings
vanaf hulle, en hulle sal hulle nie onthou omdat die “draak,” wat hulle
veroorsaak het, uitgewerp is).
Open. 21:5 En Hy wat op die troon sit, het gesê: Kyk, Ek maak alles nuut.
En Hy het aan my gesê: Skryf, want hierdie woorde is waaragtig en
betroubaar. (die Verlosser bevestig alles aangaande die Nuwe Hemel en
die Nuwe Kerk na die laaste oordeel voltrek was).
Open. 21:6 En Hy het vir my gesê: Dit is verby! (dit is die Goddelike
Waarheid). Ek is die Alfa en die Oméga, die begin en die einde. (dat die
Verlosser die God is van hemel en aarde, en dat alle dinge in die hemele
en op die aarde deur Hom gemaak is). Aan die dorstige sal Ek gee uit die
fontein van die water van die lewe, verniet. (dat aan diegene wat
Waarhede begeer vir enige geestelike werk, sal die Verlosser vanuit
Homself deur die Woord gee alle dinge wat sal bydra tot daardie werk).
Open. 21:7 Hy wat oorwin, sal alles beërwe; en Ek sal vir hom ‘n God
wees, en hy sal vir My ‘n seun wees. (dat hulle wat die booshede in
hulself oorwin, dit is, die duiwel, en nie swig wanneer hulle versoek word
deur die Babiloniërs en die drake nie, sal in die hemel kom, en daar lewe
in die Verlosser, en die Verlosser in hulle)
Open. 21:8 Maar wat die vreesagtiges aangaan en die ongelowiges en
gruwelikes (diegene in geen geloof, en in geen naaste liefde, en daaruit in
alle soorte booshede), en moordenaars en hoereerders en towenaars en
afgodedienaars en al die leuenaars
(diegene wat die bevele van die tien gebooie as niks afmaak, en nie enige
booshede daarin genoem as sonde vermy nie, en daarom in hulle lewe)
hulle deel is in die poel wat brand met vuur en swawel: (hulle het `n hel
waar die liefdes van valsheid en begeertes van boosheid is), dit is die
tweede dood. (veroordeling)
Open. 21:9 En een van die sewe engele wat die sewe skale gehad het, vol
van die sewe laaste plae, het na my gekom en met my gespreek en gesê:
Kom hierheen, ek sal jou die bruid toon, die vrou van die Lam. (invloei
en openbaring vanaf die Verlosser vanuit die mees innerlike hemel,
aangaande die Nuwe Kerk, wat verenig sal wees met die Verlosser deur
die Woord).
Open. 21:10 En hy het my in die gees weggevoer op ‘n groot en hoë berg
en my die groot stad getoon, die heilige Jerusalem, wat uit die hemel van
God neerdaal; (dat Johannes opgeneem was in die derde hemel, en sy
innerlike sig daar geopen was, voor wie die Verlosser se Nuwe Kerk
geopenbaar was, volgens leerstellings, in die vorm van `n stad).
Open. 21:11 en dit het die heerlikheid van God gehad, en sy lig was soos
‘n baie kosbare steen, soos die kristalhelder jaspissteen (dat in daardie
kerk die Woord verstaan sal word, omdat dit deurskynend is vanuit die
geestelike betekenis daarvan).
Open. 21:12 En dit het ‘n groot en hoë muur (die Woord in die betekenis
van die letter waaruit die leerstellings van die Nuwe Kerk is), met twaalf
poorte gehad, (al die kennis van Waarheid en Goedheid daarin waardeur
mense voorgestel word in die kerk), en by die poorte twaalf engele, en
name daarop geskrywe, naamlik dié van die twaalf stamme van die
kinders van Israel. (die Goddelike Waarhede en Goedhede van die hemel,
wat ook die Goddelike Waarhede en Goedhede in die kennis van die kerk
is en beskermers sodat niemand in gaan, behalwe as hy in hulle is vanuit
die Verlosser).
Open. 21:13 Aan die oostekant was daar drie poorte, aan die noordekant
drie poorte, aan die suidekant drie poorte, aan die westekant drie poorte.
(dat die kennis van waarheid en goedheid, waarin geestelike lewe is vanaf
die hemel vanuit die Verlosser is, en waardeur voorstellings in die Nuwe
Hemel veroorsaak word, is vir diegene wat min of meer in die liefde of
die emosie van Goedheid is, en vir diegene wat min of meer in die
Wysheid of die emosie van Waarheid is).
Open. 21:14 En die muur van die stad het twaalf fondamente gehad, (dat
die Woord in die betekenis van die letter alle dinge bevat van die
leerstellings van die Nuwe Kerk), en daarop was die name van die twaalf
apostels van die Lam.(alle dinge van leerstellings vanuit die Woord
aangaande die Verlosser, en aangaande lewe volgens Sy bevele).
Open. 21:15 En hy wat met my gespreek het, het ‘n goue meetroede
gehad, om die stad en sy poorte en sy muur te meet. (dat daar deur die
Verlosser gegee is, aan diegene wat in die goedheid van liefde is, die
aanleg van begrip en wete wat die kwaliteit van die Verlosser se Nuwe
Kerk is volgens leerstellings vanuit die Woord en inleidende Waarhede
daarvan, en volgens die Woord waaruit hulle is).
Open. 21:16 En die stad het vierkantig gelê, (regverdigheid in dit)
en sy lengte was net so groot as sy breedte. (dat Goedheid en Waarheid in
daardie kerk een is, soos kern en vorm). En hy het die stad met die
meetroede gemeet op duisend vyf honderd myl; sy lengte en breedte en
hoogte was gelyk. (die kwaliteit van daardie kerk vanuit leerstellings wys,
dat alle dinge daarvan vanuit die Goedheid van liefde is).
Open. 21:17 En hy het sy muur gemeet op honderd vier en veertig el, (dat
dit gewys was wat die kwaliteit van die Woord is in daardie kerk, dat
vanuit dit al die Waarhede en Goedhede is), volgens ‘n mens se maat, wat
die maat van ‘n engel is. (die kwaliteit van daardie kerk maak dat dit een
is met die hemel)’
Open. 21:18 En die boustof van sy muur was jaspis, (dat al die Goddelike
waarheid in die betekenis van die letter van die Woord, met die mense
van daardie kerk, is deurskynend vanuit die Goddelike Waarheid in die
Geestelike betekenis), en die stad was suiwer goud soos suiwer glas. (dat
die alles van daardie kerk daaruit is, die Goedheid van Liefde vloei in
saam met Lig vanuit die hemel vanaf die Verlosser).
Open. 21:19 En die fondamente van die muur van die stad was versierd
met allerhande edelgesteentes. (dat al die dinge van die leerstellings van
die Nuwe Jerusalem geneem vanuit die letter van die Woord, met diegene
wat in dit is sal in die lig volgens ontvanklikheid verskyn).
Die eerste fondament was jaspis, die tweede saffier, die derde
chalcedoon, die vierde smarag;
Open. 21:20 die vyfde sardóniks, die sesde sardius, die sewende
chrisoliet, die agtste beril, die negende topaas, die tiende chrísopraas, die
elfde hiasínt, die twaalfde ametís. (alle dinge van daardie leerstellings in
hulle orde vanuit die betekenis van die letter van die Woord, met diegene
wat die Verlosser onmiddellik nader, en lewe volgens die bevele van die
tien gebooie deur booshede as sonde te vermy, want hierdie en geen
ander is in die leerstellings van liefde tot God en liefde tot die naaste, wat
die twee noodsaaklikhede van godsdiens is).
Open. 21:21 En die twaalf poorte was twaalf pêrels; elkeen van die poorte
was uit een pêrel, (dat die erkenning en kennis van die Verlosser verenig
al die kennis van Waarheid en Goedheid ineen, wat van die Woord is, en
stel dit aan die kerk voor), en die straat van die stad was suiwer goud
soos deurskynende glas. (dat elke waarheid van daardie kerk en
leerstellings daarvan, is in Vorm die Goedheid van Liefde wat saam
invloei met Lig vanuit die hemel vanaf die Verlosser).
Open. 21:22 En ‘n tempel het ek nie daarin gesien nie, want Jahweh God,
die Almagtige, is sy tempel, en die Lam. (dat daar in die kerk nie enige
uiterlike geskei van die innerlike sal wees nie, omdat die Verlosser
Homself in Sy Goddelike Menswese, van wie alles van die kerk is, alleen
genader, aanbid en vereer word)
Open. 21:23 En die stad het die son of die maan nie nodig om in hom te
skyn nie, want die heerlikheid van God het hom verlig, en die Lam is sy
lamp. (dat die mense van daardie kerk nie in eie liefde en in hulle eie
intelligensie sal wees, en daaruit in natuurlike lig alleen nie, maar in
geestelike lig vanaf die Goddelike Waarheid van die Woord vanuit die
Verlosser alleen).
Open. 21:24 En die nasies van die wat gered word, sal in die lig daarvan
wandel, (dat almal wat in die Goedheid van lewe is, en glo in die
Verlosser, sal lewe volgens die Goddelike Waarhede, en sal hulself
innerlik in hulself sien, soos wat die oë voorwerpe sien), en die konings
van die aarde bring hulle heerlikheid en eer daarin. (dat almal wat in die
Waarhede van Wysheid vanuit Geestelike Goedheid is, sal die Verlosser
daar bely en aan Hom toeskryf elke Waarheid en Goedheid wat met hulle
is).
Open. 21:25 En bedags, want nag sal daar nie meer wees nie, sal sy
poorte nooit gesluit word nie; (dat hulle aanhoudend ontvang sal word in
die Nuwe Hemel, wat in die Waarhede van die Goedheid van Liefde
vanuit die Verlosser is, omdat daar geen valsheid van geloof daar is nie).
Open. 21:26 en hulle sal die heerlikheid en die eer van die nasies daarin
bring. (dat hulle wat ingaan sal met hulle die Belydenis, Erkenning en
Geloof bring, dat die Verlosser die Enigste God van Hemel en Aarde is,
en dat elke Waarheid van die kerk en elke Goedheid van die Godsdiens
vanuit Hom is).
Open. 21:27 En daarin sal nie inkom iets wat verontreinig en
gruwelikheid en leuens doen nie; (dat geen een ontvang word in die
Verlosser se Nuwe Hemel wat die Goedhede vermeng en die Waarhede
van die Woord vervals, en booshede doen vanuit bevestigings en dus ook
valshede).
maar net die wat geskrywe is in die boek van die lewe van die Lam. (dat
geen ander ontvang sal word in die Nuwe Kerk, wat die Nuwe Jerusalem
is, maar hulle wat glo in die Verlosser, en lewe volgens Sy bevele in die
Woord).
Die verduideliking
`n Nuwe Hemel en `n Nuwe Aarde - bedoel `n geestelike hemel en die
aarde wat aan daardie hemel behoort, waar die engele is, Die Heilige
Jerusalem - is die nuwe kerk - wat die ou kerk vervang. Die ou hemele is
bo die Christen hemele. Die hemele is gedeel in drie hemele en elke
hemel in drie gedeel waar die een bo die ander is.
Die derde of innerlike hemel - (liefde tot Verlosser)
Die tweede of middel hemel – (geloof en Waarheid)
Die eerste of laagste hemel – (goedheid) naaste liefde
Verskillende dinge aangaande die hemel kan gesien word in die volgende
plekke, n. 612, 13, 26, 31, 59, 61, 845, 46, 56
Die twee noodsaaklikhede van die hemel is.
1. Erkenning van die Verlosser as God van hemel en aarde, wat beteken
EEN God, nie drie verskillende gode nie. Met ander woorde Vader, Seun
en Gees as een Goddelike Menswese wat Ons Verlosser is, soos die siel
van `n mens in een liggaam is, so was en is die Drie Eenheid in die
Goddelike Liggaam van die Verlosser, EN IS HY ONS HEMELSE
VADER, ONS VERLOSSER, ONS REDDER, ONS ENIGSTE GOD.
2. `n Lewe volgens die bevele van die tien gebooie. Vader is die Liefde
Seun is die Goddelike Waarheid en Wysheid, die Heilige Gees is die
werke en krag van die vader of voorsienigheid.
Die heilige gees het ontstaan na die dood van die Verlosser omdat Hy die
Woord of Gees self is.
|
|
|
 |
|
