 |
DIE BOEK VAN OPENBARING
EMANUEL SWEDENBORG
Hoofstuk 3
|
| Spring: |
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25. |
|
 |
Hoofstuk 1
Open. 1:1 Die openbaring van Jesus Christus voorspellings vanaf die
Verlosser aangaande Homself en Sy kerk, wat die laasgenoemde sal wees
aan die einde daarvan, en wat dit daarna sal wees wat God Hom gegee het
om aan sy diensknegte te toon vir hulle wat in geloof van naaste liefde is)
wat gou moet gebeur, (en dat dit verseker sal gebeur sodat die kerk nie
sterf nie) en wat Hy gestuur het deur Sy engel) deur die sending van sy
engel aan sy dienskneg Johannes te kenne gegee het, (die dinge wat
geopenbaar word vanaf die Verlosser deur die hemel aan diegene wat in
die goedheid van die lewe vanuit naaste liefde en die geloof daarvan is)
Open. 1:2 wat getuig het van die woord van God en die getuienis van
Jesus Christus en wat vanuit die hart en dus in die Lig, Goddelike
Waarheid ontvang vanuit die Woord en die Verlosser se Menswese as
Goddelik erken) alles wat hy gesien het (en hulle voorlig in al die dinge
wat in die openbaring is)
Open. 1:3 Salig is hy wat die woorde van die profesie lees, en die wat dit
hoor en bewaar wat daarin geskrywe is (en die verbinding van hulle wat
lewe volgens die leerstellings van die Nuwe Jerusalem met die engele)
want die tyd is naby (omdat die toestand van die kerk sodanig is, dat dit
nie meer langer so kan aangaan en nog verbinding met die Verlosser het
nie).
Open. 1:4 Johannes aan die sewe gemeentes (en almal wat in die
Christen wêreld is, waar die Woord is, en waardeur die Verlosser geken
word, en wat aangetrek word na die kerk) (in Asië) (en hulle wie in die
lig van waarheid vanuit die Woord is) Genade vir julle en vrede (in die
Goddelike begroeting) van Hom wat is en wat was en wat kom (vanaf die
Verlosser, wie ewig is en die oneindige Jahweh is) en van die sewe
Geeste wat voor sy troon is, (vanuit die hele Hemel waar die Verlosser in
Sy Goddelike Waarheid is
Open. 1:5 en van Jesus Christus ( en die Goddelike Menswese) die
getroue getuie, (dat Hy die Goddelike Waarheid Self is) die eersgeborene
uit die dode (en Hy is ook Goddelike Goedheid Self ) en die Owerste oor
die konings van die aarde! (van wie alle waarheid vanuit goedheid in die
kerk is) Aan Hom wat ons liefgehad het en ons van ons sondes gewas het
in sy bloed (wat mense wedergebore en hervorm het vanuit liefde en
genade, deur Sy Goddelike Waarheid vanuit Sy Woord)
Open. 1:6 en ons gemaak het konings en priesters, ( En wat hulle wat
vanuit Hom gebore is, “dit is wedergeboorte,” gee om in Wysheid vanuit
Goddelike Waarheid en in liefde vanuit Goddelike Goedhede te wees) vir
sy God en Vader (en dus beelde is van Sy Goddelike Wysheid en Sy
Goddelike Liefde) aan Hom die heerlikheid en die krag tot in alle
ewigheid! (wie alleen Goddelike Majesteit en Goddelike Almag vir ewig
is) Amen. (deur Goddelike bevestiging vanuit Goddelike Waarheid, dus
vanuit Homself)
Open. 1:7 Kyk, Hy kom met die wolke, (en die Verlosser sal Homself
openbaar in die letter van die Woord, en sal die geestelike betekenis
daarvan openbaar aan die einde van die kerk) en elke oog sal Hom sien,
(en almal sal Hom erken, wat, vanuit liefde in die begrip van Goddelike
Waarheid is) ook hulle wat Hom deurboor het; (en dat ook hulle sal sien,
wat in valsheid van die kerk is) en al die geslagte van die aarde sal oor
Hom rou bedryf; (en dit sal wees wanneer daar nie meer enige goedhede
en waarhede in die kerk is nie) ja, amen! (en Goddelike bevestiging dat
dit so sal wees)
Open. 1:8 Ek is die Alfa en die Omega, die begin en die einde, (van die
Self-Bestaande en die Enigste vanaf die Eerste en die Laaste, vanaf wie
alle dinge is, wie dus Liefde Self is, en die Enigste Liefde, Wysheid self
en die Enigste Wysheid, en die Lewe Self en die Enigste Lewe in
Homself, dus die Skepper Homself en die Enigste Skepper, Verlosser, en
Voorligter vanuit Homself, en derhalwe die alles in alles van die hemel
en die kerk) sê Jahweh, wat is en wat was en wat kom, (en ewig die
oneindige, Jahweh ) die Almagtige. (wat is, lewe en krag, vanuit Homself
het, wat alle eerste dinge regeer deur die laastes).
Open. 1:9 Ek, Johannes, julle broeder en deelgenoot (aan hulle wat in die
goedheid van naaste liefde en vandaar in die Waarhede van Geloof is) in
die verdrukking en in die koninkryk en lydsaamheid van Jesus Christus,
(dat die kerk deur boosheid en valsheid besmet is, maar dit sal deur die
Verlosser verwyder word met Sy koms) was op die eiland wat Patmos
genoem word, (in `n toestand en `n plek waarin hy voorligting kan
ontvang) ter wille van die woord van God en om die getuienis van Jesus
Christus. (sodat die Goddelike Waarheid vanaf die Woord ontvang mag
word vanuit die hart en dus in die wil, en dat die Verlosser se Menswese
as Goddelik erken mag word)
Open. 1:10 Ek was in die Gees op die dag van JAHWESHUA (in `n
geestelike toestand deur Goddelike invloei, in die tyd en ek het agter my
‘n groot stem gehoor, soos van ‘n basuin, (en die duidelik maak van
Goddelike Waarheid in begrip vanuit die hemel geopenbaar)
Open. 1:11 wat sê: Ek is die Alfa en die Omega, die eerste en die laaste,
(wat die Self-bestaande en die enigste vanuit die eerste en die laaste is,
vanuit wie alle dinge is) en skryf wat jy sien in `n boek (dat dit aan die
nageslag geopenbaar mag word) en stuur dit na die sewe gemeentes wat
in Asië is (vir hulle in die Christen wêreld wat in die lig van die Waarheid
vanuit die Woord is): na Éfese en Smirna en Pérgamus en Thiatíre en
Sardis en Filadelfía en Laodicéa. (in die besonder volgens elkeen se
toestand en begrip)
Open. 1:12 Toe draai ek my om, om te sien watter stem met my gespreek
het; (en die omkering van die toestand van hulle wat in die goedheid van
lewe volgens begrip van Waarheid in die Woord is, wanneer hulle hulself
na die Verlosser draai) en toe ek my omgedraai het, sien ek sewe goue
kandelaars, (in die nuwe kerk wat in voorligting vanaf die Verlosser
vanuit die Woord sal wees)
Open. 1:13 en tussen die sewe kandelaars Een soos die Seun van die
mens (die Verlosser as die Woord vanuit wie die kerk is) met ‘n kleed aan
wat tot op die voete hang, (die Goddelike werke wat die Goddelike
Waarheid is) en gegord om die bors met ‘n goue gordel. (die Goddelike
Werke en terselfdertyd die Goddelike verbinding wat die Goddelike
Goedheid is)
Open. 1:14 Sy hoof en hare was wit soos wit wol, (is Goddelike Liefde
van die Goddelike Wysheid in die eerste (hoogste hemel en die laaste)
(die natuurlike) soos sneeu, en sy oë soos ‘n vuurvlam, (wat die
Goddelike Wysheid is van die Goddelike Liefde)
Open. 1:15 en sy voete soos blink koper wat gloei soos in ‘n oond, (van
natuurlike Goddelike Goedheid) en sy stem soos die stem van baie
waters. (en natuurlike Goddelike Waarheid)
Open. 1:16 En in sy regterhand het Hy sewe sterre gehou, (is al die
kennis van Goedheid en Waarheid in die Woord) en ‘n skerp
tweesnydende swaard het uit sy mond uitgegaan, (en die verstrooiing van
valsheid deur die Verlosser, deur die Woord en deur die leerstellings
daaruit) en sy aangesig was soos die son wat skyn in sy krag. (die
Goddelike Liefde en die Goddelike Wysheid, wat Hyself is, en voortkom
vanuit Hom)
Open. 1:17 En toe ek Hom sien, val ek soos ‘n dooie aan sy voete; (die
swakheid van sy eie lewe in die teenwoordigheid van die Verlosser) en
Hy het sy regterhand op my gelê (lewe dan besiel vanuit Hom) en vir my
gesê: Moenie vrees nie; (opwekking en aanbidding dan vanuit die diepste
nederigheid) Ek is die eerste en die laaste (dat Hy ewig en almagtig is, en
dus die enigste God)
Open. 1:18 en die lewende; (wat alleen lewend is, en vanuit wie alleen
lewe is) en Ek was dood (dat Hy verwaarloos was in die kerk en Sy
Goddelike Menswese nie erken was nie) en kyk, Ek leef tot in alle
ewigheid. (dat Hy ewige lewe is) Amen. (die Goddelike bevestiging dat
dit die Waarheid is) En Ek het die sleutels van die doderyk en van die
dood. (dat Hy alleen kan red)
Open. 1:20 die verborgenheid van die sewe sterre wat jy in my
regterhand gesien het (sodat al die dinge wat nou geopenbaar is mag wees
vir die nageslag aangaande die Nuwe Hemel en die Nuwe Kerk) die sewe
sterre is die engele van die sewe gemeentes, (is die Nuwe Kerk in die
hemele, wat die Nuwe Hemel is) en die sewe kandelaars wat jy gesien
het, is die sewe gemeentes. (is die Nuwe Kerk op aarde, die Nuwe
Jerusalem, wat neerdaal vanaf die Verlosser vanuit die Nuwe Hemel.
|
|
|
 |
|
