Openbaring 120 - Woord 3 op 25/10/19; 10H45

“MY Boere-Gilgaliete, wees geseënd in die Laer van Gilgal! Julle het ‘n groot taak in hierdie eindtye wat aangebreek het. Weet dat julle deel is van MY Verlossingsplan en MY Doelwitte vir julle siele en ook die van andere wat nog nie in MY Laer van LIEFDE is nie. Julle moet vir MY sing en vrolik wees in julle gebede tot MY. Hande aan harte moet julle saamstaan en MY Volk aanhou seën en MY LIG, LEWE en LIEFDE oor hulle uitspreek en verklaar. Hou MY Naam omhoog as Banier en vertrou op MY dat wanneer EK sê dat GILGAL ‘n Kragwerking in die Geesrealm is, dat dit Waarheid is. Vir julle wat opnuut julle klippe gelê het, kyk dieper en kyk wyer. Sien nie net die klippe, die wiel en die boom daar in die natuurlike realm nie. Vra MY en laat EK julle wys wat die Boom, die Wiel en die Klippe beteken en sien die Geestelike Verborgenhede raak wat EK vir julle voorberei het. Die Gilgal-Klipwiel-Laer is nie die verlossing self as objek nie, dit is MY gereedskap ter verlossing om julle terug by MY te kry en om julle te Bekragtig met MY LIEFDE, KRAG, WAARHEID EN WYSHEID. Die Wiel mag geensings aanbid word nie, dit is net ‘n teken en bevestiging van MY Werkinge volgens MY Wil en Doelwitte. Net EK mag aanbid word en EK is die Bereider van Verlossing, EK VERLOS... EK, JAHSHUA!

Die klipharte wat vir MY geoffer word, omvorm EK tot harte van vlees deurtrek met MY Gees wat oor die harte se aarde sweef. Wanneer julle volhard tot omvorming tot die LIEFDE, sal EK julle harte heeltemal herskep en EK sal nuwe Skeppings voortbring in julle harte. Laat toe dat EK heers oor julle lewens en maak seker dat julle altyd volhard en nie slap word in tye van beproewinge nie. Beproewinge maak julle sterk en wys, julle moet daaroor heers en oorwin deur MY Krag. Gaan en verkondig MY LIEFDE en WAARHEID aan MY volk! Volhard met MY Seënwoord, want MY Seën uitgespreek vanuit ‘n hart van GELOOF en LIEFDE is KRAGTIG! Wat julle vir MY vra in berouvolle, vrolike harte van opregtheid sal EK vir julle skenk. EK IS Barmhartig en vol Liefde vir julle MY Gilgaliete. Salf julle harte met MY Geestelike Olie en laat die Vlam van Liefde in julle ontbrand! Steek aan die Vlamme van MY Goddelike Eienskappe in julle innerlike tempels. EK woon nie in tempels met klip gemaak deur mensehande waar MY Waarheid nie welkom is nie. EK woon in die tempels van julle harte. Dit is waar julle MY vind. Laat ontvlam die Sewe Vlamme van Volmaaktheid: Liefde, Wysheid, Werksame Wil, Orde, Erns, Geduld en Barmhartigheid. Werk aan hierdie Eienskappe in julle eie siele en harte. Laat MY Aartsengele julle vooruitgaan in hierdie sake en belange. Wees vinnig om te luister en te gehoorsaam en stadig om teë te praat teen MY Verordeninge.

Julle is bewus van die Waarskuwings en Visioene wat EK vir MY knegte laat sien het wat julle, MY Boerevolk, affekteer. Soveel het EK, EK IS WAT EK IS, laat sien deur Johanna en Siener. Het julle geen ag daarop geslaan nie MY Boerevolk? Julle het gesien die groot afvallighede wat tans tussen julle rondloop en julle het gehoor van MY Waarskuwinge teen julle ongehoorsaamheid. Wanneer julle julle harte vir MY gee en in innige verhouding met MY staan, dan sluit EK ‘n Verbond met julle dat EK julle sal beskerm en bewaar vir MY Doelwitte. Dit is die doel van Gilgal! Daarom hoef niemand te vrees wat MY as die Leeu aan hulle sy het nie. Vrees net MY in LIEFDE. Soek MY en MY Waarheid en julle hoef geen kwelling of gevare te vrees nie. Salf die deure en poorte van julle siele met MY Bloed en doen dit baie gou! Daar is nie meer tyd nie! Wees lief vir MY en gehoorsaam MY Stem, o Gilgaliete! MY Dogter van MY Gilgal-Sion! Wees geseënd in julle liefdesdade aan julle naastes en aan die armes in MY volk. Julle het ‘n baie verantwoordelike en belangrike taak op hierdie Aarde. Neem dit nie ligtelik op nie en behandel elke siel wat EK na julle stuur met MY LIEFDE en GEDULD. Dit kan dalk EKSELF wees wat in die gewaad van ‘n arme daar opdaag. EK gebruik julle om verlore skapies te haal en na MY toe te lei, want hulle herken MY Stem en geroep. Wees geseënd MY Dogter van Sion en EK bekragtig MY Stad van Filadelfia met MY Gees van Genesing. Laat EK volkome deur julle werk ter verlossing van MY kinders en ter oprigting van MY Nuwe Jerusalem.

MY Boerevolk, luister na MY Woorde en rig julle harte na MY LEWENDE WOORD wat LEWE en LIG gee. Omvorm julle harte tot LIG en verwyder die duisternis en onsekerhede. Verwyder die ou misvormde valse leerstellings vanuit julle harte en kom na MY om julle opnuut te leer en te rig. Leef ‘n lewe van oorwinning en julle sal ook sien hoe MY Boodskappers en Knegte op julle Bloedrivier-Gilgal-Paardekraal Laer staan en alle gevare en teenpole verdryf deur MY Gees van Verskrikking. MY Gilgaliete, gaan en LEEF MY LIEFDE en verkondig MY Woord met vrolikheid. Wees lig in julle voetstappe en snel in julle tree. Wanneer julle aankom by harte wat julle en MY totaal weerstaan, skud die stof af soos EK julle gewys het en gaan verder soos MY Gees julle sal lei.

Tot hier MY kneg, skrywe tot hier en neem hierdie Woorde van MY ter harte. Vergeet nie dat EK vir julle opgestaan het en dat EK LEEF tot in alle Ewighede, vir julle nie.”