Openbaring 69 ontvang op 07/01/19

"Daar is baie beproewinge oor julle pad gestuur in hierdie tyd, MY kinders, want in die komende tye wil EK sien dat julle kan oorwin en vasstaan tydens alle aanvalle en gevegte teen julle. EK wil sien hoe julle kan heers en omhoog vlieg bo alle probleme en beproewinge. Julle moet julle Krag vanuit MY ontvang, want EK wil julle help en lei langs elke weg en wil julle op MY Weg lei.

MY kneg, jy moet vasstaan en sterk wees in MY want jy is geroep! EK het jou geseën met LIEFDE en gawes vanaf MY en daarmee moet jy jouself omhoog laat styg in Vreugde en Liefde. Fokus daarop, fokus op MY Gawes en fokus op MY, en in tye van benoudheid en hartseer, omhels MY Moederliefde wat jou dra.

EK IS WAT EK IS sal elkeen van julle so dra in hierdie tye, want MY LIEFDE IS wat EK IS en EK is vir julle en nie teen julle nie. EK wil julle help en sal julle laste help dra. Maar dra julle laste met bereidwilligheid om te oorwin vir MY, in MY! EK sal die Oorwinning aan julle gee, maar hou aan bou aan julle Huise in julle harte, Huise van Liefde en Lig, waar EK kan woonplek inneem en saam julle elkeen die lewe tegemoetgaan. Onthou, EK LEEF!

Neem MY Hand en praat met MY in julle harte van opregtheid, want EK sal julle versterk en genees tot MY eer en verheerliking! Maar hou vas aan MY, en laat MY nie los nie, want EK los julle nie.

Begin in Geloof en gehoorsaamheid lewe met harte van brandende LIEFDE; en julle sal sien hoe die geveg reeds oorwin is!"