DIE NUWE BYBEL
(met die Heilige Name)
Boek 1 - DIE LIEFDE
INHOUDSOPGAWE
Voorwoord MY Anker van Verlossing 5
Hoofstuk 1 KONINGIN VAN DIE HEMELE 27
Hoofstuk 2 Gehoorsaamheid 67
Hoofstuk 3 MY Genade 84
Hoofstuk 4 MY Barmhartigheid 96
Hoofstuk 5 Die Heiligheid van die Huwelik 106
Hoofstuk 6 Die Vergifnis van Sondes 185
Hoofstuk 7 Die Wedergeboorte 207
Hoofstuk 8 Die NUWE JERUSALEM 226
Finale appèl 298
Voltooi 299
Nuwe Bybeltaal skeppings 303
DIE NUWE BYBEL
HEILIG
is Hierdie Boek van Boeke,
DIE NUWE BYBEL, want
elke woord op hierdie bladsye
is
ELOHIM SE HEILIGE WOORD,
DIE STEM VAN DIE MEESTER,
JULLE SKEPPER
VAN EWIGHEID TOT IN EWIGHEID
WIE
julle hierdie
NUWE BYBEL
bied as 'n
ANKER VAN VERLOSSING
vanuit duisternis en angs.
Geopenbaar deur
DIE GENADE VAN ELOHIM DIE MEESTER
IN SY LIGSIRKEL VAN HEMELE EN AARDE.
DIE HEILIGE TRILOGIE VAN DIE BYBEL-CORPUS:
Net soos wat die Nuwe Testament die Ou Testament volg, en beide die Bybel tot sover bekend gevorm het, so word deur ELOHIM se Heilige wil die volgende NUWE BYBEL bygevoeg om alles te voltooi en dit vorm dus:
DIE HEILIGE TRILOGIE
Ou Testament - Nuwe Testament - NUWE BYBEL
Inderdaad het die mensdom nog nie daarin geslaag om die nodige volwassenheid te bereik om die direkte weg na ELOHIM te neem nie, nie deur DIE OU TESTAMENT of DIE NUWE TESTAMENT nie, hoewel dit moontlik gemaak is deur die MEESTER se WERK van verlossing in JAHSHUA DIE GESALFDE wat die unieke ware weg geopen het na ELOHIM. Was die nodige volwassenheid bereik, sou die mensdom 'n lewende NUWE BYBEL gevorm het vir alle tye en ewigheid deur in ELOHIM SE EWIGE LIEFDE te lewe en so ELOHIM se EWIG HEILIGE EN VOLMAAKTE WIL vervul het.
Soos wat dinge egter is, is ELOHIM DIE MEESTER gelei om in te gryp in die gebeure van hierdie Aarde met hierdie NUWE BYBEL, nie net om die mensdom te red van die onvermydelike, selfopgelegde ondergang nie, maar ook om hom te lei op die pad na die uiteindelike doel van die Skepping vir alle mense op Aarde, naamlik om ELOHIM SE VOLMAAKTE BEELD te word.
'n Algemene fout
Dit is 'n algemene fout om te glo dat die laaste verse van die Openbaring aan Johannes vir ewig 'n einde gestel het aan die teks van die hele BYBEL. Die waarskuwing daarin vervat om nie iets by hierdie profesie by te voeg nie, is duidelik – en elkeen kan maklik oortuig word dat dit slegs betrekking het op hierdie boek van profesie alleen en nie die hele BYBELTEKS nie. Inderdaad is eerder die teendeel waar, want in Johannes 16:12-13 het JAHSHUA gesê:
"EK het nog baie dinge om aan julle te sê, maar julle kan dit nie nou dra nie, maar wanneer die Gees van Waarheid gekom het, sal (die Gees) julle in die hele waarheid lei."
Dit is net so 'n algemene misvatting dat alle openbarings in JAHSHUA DIE GESALFDE vir ewig geëindig het. Nêrens in die Bybel kan so 'n eis gegrond of bewys word nie.
ELOHIM se onpeilbaar EWIGE WYSHEID het geen grense nie! As daar enige beperking in sy skepping was, sou ELOHIM nie ewig of oneindig kon wees nie. ELOHIM SE EWIGE LIEFDE stroom uit in die oneindigheid van die heelal in, net soos wat dit uitstroom deur hierdie NUWE BYBEL na al SY kinders op hierdie Aarde in `n ondenkbare OORVLOED VAN GENADE, waaruit almal sal kan put, die wat hul sal wend tot die mees vurige en genadige Liefde, waardeur hy
SY HEMELE,
DIE KONINKRYK VAN EWIGE LIEFDE,
sal bereik.
DIE HEILIGE Voorwoord van ELOHIM die MEESTER vir DIE NUWE BYBEL
ELOHIM DIE MEESTER SPREEK:
DIE NUWE BYBEL
is
MY GENADE
aan die mensdom
in die maalkolk van MY Teenpool
EN IS MY GENADE
aan elke siel in 'n menslike gewaad
EN IS
MY ONEINDIGE LIEFDE
aan elke mens,
ongeag sy afkoms, geloof, eienskap, rang, en ligging, want alle mense is MY kinders en kom vanuit MY VADERLIKE HART en almal sal hierdie NUWE BYBEL benodig vir hulle redding, verlossing, en hul verheffing tot
MY DIE SKEPPER
VAN HEMELE EN DIE AARDE.
1 LIEFDE
IS DIE GROOTSTE KRAG
IN DIE HEMELE
EN OP DIE AARDE.
2 EK JAHWEH,
giet
DIE LIG VAN ALLE LIGTE
met hierdie
NUWE BYBEL
sodat jy, mens van hierdie Aarde en kind van MY LIEFDE, MY GENADE EN MY MEDELYE, julle oë kan oopmaak en besef waarom hierdie NUWE BYBEL so 'n dringende behoefte is as `n
VERDERE DAAD VAN GENADE
van julle
ELOHIM EN HEMELSE VADER,
WIE vir ewig brand met LIEFDE vir julle en julle ook so in LIEFDE onderhou - die mees vurige LIEFDE, spreek EK JAHWEH - terwyl EK skaars een jota of tittel van hierdie LIEFDE ontvang, nie eers van die kinders wat MY liefhet nie, want hulle het MY nie lief soos wat EK liefgehê wil word nie.
|
|
|
